【活動回顧 - 布里斯本】香港話戲劇班 (2025-11-15)
今年第一次舉辦嘅「布里斯本香港話戲劇班」，正式圓滿結束！
真係要多謝每一位家長同小朋友嘅支持
呢個以「香港話」為主題，又充滿創意同笑聲嘅戲劇活動，六堂入面見證咗好多神奇變化。
記得第一堂，小朋友仲會害羞、講一句「你好」都會望住地下；
但去到最後一堂，佢哋已經可以用廣東話講故事、演角色、做情緒練習，
仲會夾埋隊友排戲，一齊勇敢咁企上台表達自己👋
六堂之間，佢哋學識咗：
- 💬用廣東話講感受
- 🤝合作同支持隊友
- 🙉用身體講故事
- 🎶用聲音做角色
最重要係——佢哋開始覺得，廣東話原來好好玩、好有力量、好有表達力。
多謝各位家長嘅信任，小朋友嘅進步真係超出我哋預期！
未來我哋都會繼續舉辦唔同嘅香港話活動，希望下次再見到大家，一齊玩得更開心