【活動回顧 - 雪梨】 澳洲大選選舉論壇 (2025-04-17)
《澳港聯》（AUHKLink）聯同《香港時空》（MVHK）合辦嘅選舉論壇順利舉行！
參與論壇嘅包括雪梨 Bradfield 選區候選人: 綠黨（Greens）Harjit Singh嘅代表、獨立候選人 Nicolette Boele 女士、獨立候選人 Andy Yin 先生，以及自由黨候選人 Gisele Kapterian 女士。由於時間緊迫，四位候選人都盡量把握機會，用最精簡有力嘅方式發表政見，現場掌聲此起彼落，氣氛熱烈。
論壇內容包括候選人自我介紹、政綱概述，亦有針對一啲社區關注議題，例如移民政策、教育、醫療、就業等等作深入討論。當日約有二十幾位觀眾到場支持，四位候選人表現出色，值得一提嘅係佢哋當日已經跑咗三場活動，真係相當辛苦！
是次論壇希望可以加深候選人對 Bradfield 選區內香港人身份認同同文化背景嘅理解，亦藉此機會向佢哋清楚表達香港人對澳洲對港政策嘅期望。
《澳港聯》同《香港時空》藉此再次衷心感謝四位候選人抽空參與論壇，亦感謝到場參與同支持嘅每一位香港人。希望透過今次論壇，唔單止令香港人對澳洲政治有更高觸覺，亦能更了解 Bradfield 選區內各位候選人嘅政綱，喺5月3號投票日當日，可以根據自己嘅了解，投下神聖而有意義嘅一票。