【活動回顧 - 雪梨】 兒童廣東話聽講唱讀遊樂坊 (4月27日)
非常感謝Kayan、Sarah、秀儀，以及所有義工朋友，4月27日一齊為「雪梨兒童廣東話聽講唱讀遊樂坊」出心出力！由活動設計、材料準備、器材安排、運送到活動當日嘅帶領，大家付出咗好幾個星期嘅努力，令小朋友可以接觸到廣東話，同家長一齊渡過咗一個輕鬆愉快嘅早上。活動喺Burwood Library Community Hub舉行。由於場地安排上出現咗少少突發情況，包括因圖書館開放時間所限，需要改用另一個入口並輸入密碼進場，有部分參加者一度未能順利上樓；而租用房間之間的間隔亦臨時上鎖，加上器材連接問題，影響咗部分活動安排。我哋對此深感抱歉，亦感謝大家嘅體諒與包容。
「香港時空」衷心感激每一位義工嘅參與和支持，有你哋嘅同行，先可以一步一步推動廣東話同香港文化喺雪梨扎根。期待下次再同大家一齊努力，做得更好！