【活動回顧 - 雪梨】 澳洲求職攻略分享會 (5月24日)
【活動回顧｜澳洲求職攻略分享會】
多謝大家喺5月24號參加由「香港時空」舉辦嘅〈澳洲求職攻略分享會〉！今次活動非常精彩，兩位講者 Sonia Cheng 同 James Lo 分享咗佢哋多年觀察與實戰經驗，深入淺出，幫助大家了解喺澳洲求職應該點準備、點表現。
好多參加者喺會後都話內容實用，獲益良多！活動得以順利舉行，全賴一班義工朋友無私付出：感謝策劃兼主持人 SC Leung 同 Cat So，Cat 更即時協助處理直播上嘅技術問題，令活動順利銜接；GTI Sydney group 統籌人 Jordan Cheung 繼三月為我哋分享澳洲與香港IT職場文化後，今次再次出心出力，並自備VC咪支援直播；Paul 帶埋相機同手提電腦，協助拍攝同直播；Sunny、Mel、秀儀 同 Alex 亦喺各方面提供 logistics 支援。
多謝各位講者同義工，有你哋支持，先有一場咁內容充實、協調有序嘅分享會！
分享會之後嘅 networking 環節反應同樣熱烈，參加者都積極交流，識到新朋友，氣氛非常融洽！
👏
如果你都認同我哋嘅工作理念，歡迎申請成為「香港時空」會員，一齊建立屬於香港人嘅社群空間！