【活動回顧 - 雪梨】 Roblox Studio工作坊 (2026-04-19)
「香港時空」(MVHK) 舉辦嘅Roblox Studio工作坊圓滿結束。
十分感謝講者Timothy 事前用咗大量時間同心機準備內容同 PowerPoint，幫助參加嘅小朋友喺短時間內學會基本嘅遊戲設計。亦十分感謝 tutor Cat 同 Jacob嘅支援，確保所有參加嘅小朋友能夠配合進度。仲有 Eric 喺現場嘅佈置場地、登記同影相，令活動能夠順利進行。小朋友能夠專心學習亦要感謝參加嘅家長合作。 參加嘅小朋友同家長都好投入，事後仲希望獲得設計更複雜場景嘅指南添！ 感謝 MVHK 嘅幹事 SC 統籌同主持今次活動，為小朋友提供一個用廣東話學習佢哋感興趣內容嘅機會。
